Сумалак сайли
Блог им. ttyesi“Наврўз” умумхалқ байрами муносабати билан Тошкент тўқимачилик ва енгил саноат институтининг Талабалар турар жойида “Ҳар кунимиз Наврўз бўлсин!” шиори остида сумалак сайли бўлиб ўтди. Бир-биридан қизиқ дастурлар билан бойитилган сайл спортнинг волейбол, футбол турлари бўйича мусобақалар билан янада қизғин тус олди. Миллий таомимиз бўлмиш сумалакнинг тарихи, тайёрланиш жараёни ва аҳамиятини яқиндан ўрганиш билан бирга дошқозонлар атрофида янграган куй-қўшиқлар, миллий лапарлар талабаларнинг шўх кулгуси-ю, жозибали рақси билан уйғунлашиб кетди. Шунингдек, талабалар турар жойларида 100 кг ош дамланди ва талабаларга тарқатилди. Байрам шукуҳи нафақат талабалар, балки профессор-ўқитувчилар қалбларида ҳам муҳрланиб қолди десак асло муболаға бўлмайди.